2026 оны тавдугаар сарын 20
Яагаад Монголдоо үйлдвэрлэдэггүй юм бэ?
Бид оюуны өмч, загвар, технологийн шийдлээ өөрсдөө эзэмшиж, өртөг хамгийн оновчтой газарт үйлдвэрлүүлж байна. Эцсийн зорилго бол Монголдоо үйлдвэрээ байгуулах.
Энэ бол бидний хамгийн их асуудаг асуултын нэг. Хариултаа ил тод хэлье.
Үйлдвэрийг шууд Монголд байгуулахын тулд бүх түүхий эд, материал, үйлдвэрлэлийн технологи, тоног төхөөрөмж, түүнчлэн мэргэжилтэн, ажилтнуудаа сургах зэрэг маш их хөрөнгө оруулалт шаардлагатай. Энэ бүх зардал эцсийн бүтээгдэхүүний үнэд шууд нөлөөлж, нэг бүрийн үнэ эрс өндөр гарах болно.
Тиймээс бид эхний ээлжинд оюуны өмч, бүтээгдэхүүний загвар, технологийн шийдлээ өөрсдөө эзэмшиж, үйлдвэрлэлийн өртөг бага, хамгийн оновчтой боломжит газарт нь үйлдвэрлүүлж байна. Ингэснээр чанартай бүтээгдэхүүнийг илүү боломжийн үнээр хүргэх боломж бүрдэж байна.
Бидний цаашдын зорилго бол үйлдвэрээ Монголдоо байгуулж, дотоодын үйлдвэрлэлээ хөгжүүлэх — үүн рүү үе шаттайгаар ажиллаж байна.